ஆலத்துடையான்பட்டி கோவிலில் மண்ணில் புதைந்து கிடந்த 3 கல்வெட்டுகள் மீட்பு

உப்பிலியபுரத்தை அடுத்த ஆலத்துடையான்பட்டியில் உள்ள சவுந்தரவல்லி தாயார் உடனுறை சோமநாத சுவாமி கோவிலில் கல்வெட்டு ஆய்வாளர்கள் குழுவினர் நேற்று ஆய்வு மேற்கொண்டனர். இதில் மைசூரு கல்வெட்டு துறை இயக்குனர் முனிரத்தினம் உத்தரவின்பேரில் உதவி கல்வெட்டு ஆய்வாளர் சாருமதி உதவியாளர்களுடன் கோவிலில் ஆய்வு செய்தார். அப்போது கோவிலில் உள்ள கல்வெட்டில், பெரிய நாவலூரில் ராஜேந்திர சோழனால் சோமேஸ்வர உடைய நாயனார் கோவில் கட்டப்பட்டதாகவும், பூஜை பரிவாரங்களுக்காக தான நிலங்கள் கொடுக்கப்பட்டுள்ளதாகவும் தெரிய வருகிறது. மேலும் கோவிலை சுற்றி உள்ள மண்ணில் புதையுண்டிருந்த 5 அடி உயரமுள்ள 3 கல்வெட்டுகள் மீட்கப்பட்டதாகவும், கல்வெட்டின் பிரதிகள் எடுக்கப்பட்டு ஆய்வில் உள்ளதாகவும் கல்வெட்டு ஆய்வாளர் சாருமதி தெரிவித்துள்ளார்.

- Advertisement -