ரேஷன் அட்டைக்காரர்களே…!பயனளிக்கும் இந்த 5 திட்டங்கள் பற்றி தெரியுமா?

பிபிஎல் ரேஷன் கார்டு வைத்திருப்பவர்கள்: வறுமைக் கோட்டுக்குக் கீழே உள்ள (பிபிஎல்) மக்களுக்கு நிறைய நிதிச் சிக்கல்கள் உள்ளன. அப்படிப்பட்டவர்களுக்கு ரேஷன் கார்டு வழங்கி, அந்த கார்டுகளின் அடிப்படையில் மத்திய, மாநில அரசுகள் பல்வேறு நலத்திட்டங்களை செயல்படுத்தி வருகின்றன.ஆயுஷ்மான் பாரத் யோஜனா: ஆயுஷ்மான் பாரத் யோஜனா என்பது இந்திய மத்திய அரசின் மிகப்பெரிய மருத்துவக் காப்பீட்டுத் திட்டமாகும். இத்திட்டத்தின் கீழ், பிபிஎல் குடும்பங்கள் ஆயுஷ்மான் கார்டுகளை இலவசமாகப் பெறும் வசதி அளிக்கப்பட்டுள்ளது. பிரதான் மந்திரி ஆவாஸ் யோஜனா: ஒவ்வொருவருக்கும் சொந்த வீடு வேண்டும் என்ற கனவு இருக்கும். பிரதான் மந்திரி ஆவாஸ் யோஜனா திட்டத்தின் கீழ், ஏழை குடும்பங்களுக்கு வீடுகள் கட்டுவதற்கு மத்திய அரசு நிதியுதவி வழங்குகிறது.பிரதான் மந்திரி உஜ்வாலா யோஜனா: பிரதான் மந்திரி உஜ்வாலா யோஜனா திட்டத்தின் கீழ், BPL குடும்பங்களுக்கு இலவச எரிவாயு இணைப்புகள் மற்றும் இலவச எரிவாயு அடுப்பு வழங்கப்படுகிறது. மேலும் எரிவாயு நிரப்புவதற்கு அரசு மானியம் வழங்குகிறது. ரீஃபில் செய்தால் ரூ.300 வரை மானியம் பெறலாம்.பிரதான் மந்திரி விஸ்வகர்மா யோஜனா: கைவினைஞர்களின் நலனுக்காக மத்திய அரசு பிரதான் மந்திரி விஸ்வகர்மா யோஜனாவை அறிமுகப்படுத்தியுள்ளது. இத்திட்டத்தின் கீழ், கைவினைஞர்களுக்கு திறன் மேம்பாடு மற்றும் பயிற்சி மற்றும் ரூ.3 லட்சம் வரை கடனுதவி வழங்கப்படுகிறது. அந்த்யோதயா அன்ன யோஜனா: பிபிஎல் ரேஷன் கார்டு வைத்திருப்பவர்களுக்கு அந்த்யோதயா அன்ன யோஜனா திட்டத்தின் கீழ் இலவச ரேஷன் கிடைக்கும். இத்திட்டத்தின் கீழ், ரேஷன் கடைகளில் கோதுமை, அரிசி, சர்க்கரை, மண்ணெண்ணெய் ஆகியவற்றை இலவசமாகப் பெறலாம். இதுபோன்ற பல திட்டங்கள் உள்ளன. இவை அனைத்தையும் மத்திய அரசின் அதிகாரப்பூர்வ இணையதளங்களில் விண்ணப்பித்துப் பெறலாம்.

- Advertisement -